Á dögunum undirrituðu forsvarsmenn Omnis ehf. og Upplýsingatæknifélagsins ehf.(UTF) samkomulag um sameiningu félaganna og verður nafn sameinaðs félags, Upplýsingatæknifélagið Omnis ehf.

UTF hefur á að skipa öflugu starfsfólki með mikla þekkingu og reynslu í tækniþjónustu við fyrirtæki og stofnanir á höfuðborgarsvæðinu en Omnis rekur hýsingarþjónustu, tækniþjónustu og verslanir á Akranesi, í Borgarnesi og í Reykjanesbæ. Starfsemi fyrirtækjanna fellur því vel saman.

Þá hefur verið ákveðið að tækniþjónusta fyrirtækisins á höfuðborgarsvæðinu flytjist í nýtt húsnæði að Ármúla 11 í Reykjavíkog þar verður einnig opnuð glæsileg tölvuverslun og tölvuhjálp fyrir einstaklinga og minni fyrirtæki. Hjá sameinuðu fyrirtæki munu starfa um 30 manns. Upplýsingatæknifélagið Omnis hefur góða stöðu hjá helstu framleiðendum tæknibúnaðar í heiminum, bæði hvað varðar sölu og þjónustu. Það er til dæmis viðurkennt sem Microsoft Gold Certified Partner og HP Preferred Partner, EMC partner, DELL partner, Apple partner og Cisco partner.